EXCITED PERO kinakabahan si Erik Santos dahil aarte siya sa big screen sa kauna-unahang pagkakataon sa pelikulang Separados. Kasama sina Jason Abalos, Anjo Yllana, Alfred Vargas, Victor Neri, at Ricky Davao, ayon kay Erik ay matagal nang naibigay sa kanila ang script, maganda ang materyal at isa itong Cinemalaya entry kaya tinanggap nila.

Nagbiro pa nga sa amin na kaysa paartehin siya, mas mabuti pang pakantahin na lang siya, ‘di naman itinago sa amin ng singer na grabe siyang kabado pero pinagkakatiwala na lang niya sa kanilang direktor na si Direk GB Sampedro ang lahat.

Isang battered husband ang role niya rito, may mga twist na magkukunek-kunek ang buhay ng bawat karakter sa istorya. Sinubukan na rin naman ang acting sa ilang Maalaala Mo Kaya episodes, sa kabila ng papasukin na rin ang acting, aminado naman ang singer na ang pagkanta pa rin ang kanyang first love.

Maiba Lang
By MELBA R. LLANERA