Erik Santos on cloud nine after singing at Papal Holy Mass: “Parang may blessed Holy Spirit na humaplos sa puso ko.”

Erik Santos on cloud nine after singing at Papal Holy Mass: “Parang may blessed Holy Spirit na humaplos sa puso ko.”
Pep.ph
by Rey Pumaloy posted on January 19, 2015

erik_santos pep

Sobrang nabiyayaan daw ang singer na si Erik Santos dahil sa pagkakataong kumanta sa Holy Mass ni Pope Francis para sa milyun-milyong Pinoy sa Quirino Grandstand, sa Luneta, Manila, noong Linggo, January 18.

Si Erik ang umawit ng Responsorial Psalm sa huling misa ng Santo Papa sa bansa.

Saad niya, “Sobra akong blessed, ramdam ko talaga yun.

“God’s favor sa akin yung nangyari.

“Nakita ko nang malapitan si Pope, iba yung feeling, ang holy-holy talaga niya.

“Hindi ko ma-explain yung nararamdaman ko at that time, overwhelming talaga.

“And hanggang ngayon, nakalutang pa rin ako sa kaligayahan.

“Hindi ko talaga ma-imagine na ako yung napili para kumanta sa isang part ng misa.”

Eksklusibong nakapanayam ng PEP.ph (Philippine Entertainment Portal) si Erik sa pamamagitan ng telepono ngayong araw, January 19, matapos ang opening number niya sa It’s Showtime.

BIGGEST EVER. Lahad pa ng ASAP mainstay, “Biggest crowd ever na nakantahan ko sa buong singing career ko.

“Iba yung kaba, nanginginig yung buong katawan ko.

“Kasi bukod sa pressure na Holy Mass, maraming nakikinig, iniisip ko, baka makalimutan ko yung lyrics.

“Inuubo kasi ako that time, yun din ang iniisip ko na baka maubo ako sa gitna ng kanta ko or baka may bumara na plema.

“’Tapos ang lamig-lamig pa ng panahon kasi nag-uulan, talagang kabado ako.”

Hindi raw napigilan ni Erik ang maging emosyunal sa kanyang karanasan noong mga sandaling nasa grandstand siya.

“Umiyak ako, naiyak ako nung makita ko siya [Pope Francis].

“Parang may blessed Holy Spirit na humaplos sa puso ko.

“Actually, naiiyak na ako nung bago pa ako kumanta.

“Naiiyak na rin ako habang kumakanta, pero pinigil ko para lang magawa ko nang tama yung pagkanta ko.”

CHORIST. Kakaibang Erik Santos nga ang napanood at narinig ng mga tao sa misa na malayo sa pop singer na natutunghayan ng fans niya.

Pero kuwento niya, “Laking choir ako, laki ako sa Holy Catholic Church sa Malabon.

“Kahit paano, alam ko na ang tamang pagkanta sa misa.

“Pero ang hirap lang na kantahin yung salmo [psalm].

“Kasi hindi lang siya kanta, para siyang chant, ilalagay yung letra sa chant.

“Kailangang tamang-tama lang at balanse ang tono at bitaw ng lyrics.”

Isang beses lang daw siyang nag-rehearse kasama ang buong ensemble ng Philharmonic Orchestra at ng chorale.

“Pero lagi ko siyang pinakikinggan, pinag-aaralan talaga,” sabi niya.

BEING CHRISTIAN. Ang dalawa niyang auntie ang nakasama ni Erik sa pagpunta niya sa misa.

Dapat daw sana ay isasama ng Kapamilya singer ang kanyang ina, pero. “Masakit kasi yung tuhod ng nanay ko, ‘di ba?

“Nag-uulan, malamig pa… baka hindi niya makayanan yung susuungin niya dun.”

Ano ang naging dasal niya sa misang iyon?

Sabi ni Erik, “Siyempre, yung family ko, sa lahat.

“I feel blessed talaga. Sobrang blessed kasi nakakanta ako sa ganung kaimportanteng religious gathering, ‘di ba?

 

Born-Again Christian si Erik, pero hindi pa siya baptized kaya masuwerte nga siya dahil napili siyang kumanta sa Papal mass.

“Yung buong family ko sobrang Catholic.
“Dumadalo ako sa Victory at nagsa-Sunday mass din ako sa Catholic.
“Yun naman ang mensahe ng Pope, ‘di ba?
“Pantay-pantay tayong lahat sa paningin sa ng Diyos.”
PAPAL GIFT. Hindi man nagawang malapitan at mahalikan ang kamay ni Pope Francis, may natamo naman daw biyaya si Erik mula sa Santo Papa.
“Binigyan ako ng gift, yung kuwintas na may cross na gaya nung gamit-gamit niya at isang rosary.
“Yung rosary, ilalagay ko sa car.”
Ilan din sa mga nag-perform o kumanta sa panghuling araw na misa ng Santo Papa ay sina Angeline Quinto, Lyca Gairanod, Darren Espanto, at Jed Madela sa UST naman.
Si Erik lang ang natatanging celebrity singer sa Luneta Grandstand.
Sabi niya, “Ang suwerte ko, ang saya ko, kasi nga gaya ng sinabi ko, nabigyan ako ng ganitong kalaking opportunity na habang buhay kong iti-treasure.
“Ramdam ko yung solemnity at yung respeto ng mga tao sa pakikinig ng misa, kinikilabutan talaga ako.”
CONNECTION. Ayon sa kuwento ni Erik, si Bong Quintana, na business-life partner ni Boy Abunda, ang nagsilbing daan para makakanta siya sa Papal mass.
“Bago pa kasi ako pumasok sa showbiz, magkakilala na kami ni Bong. “Si Bong, may mga kakilalang mga pari sa CBCP, so nabanggit sa kanya na gusto nga akong kunin para sa event ni Pope Francis.
“So, tumawag sa akin si Bong, sinabi niya na hinahanap daw ako ng CBCP at kung puwede raw akong kumanta sa Mass sa Luneta.
“Yung offer, last December 28 dumating sa akin

“Hindi ako makapaniwala na ako yung kinukontak nila.
“Parang ang pagkakaintindi ko, gusto nila may magri-present ng youth sa Mass na kakanta.
“Other than that, hindi ko na alam kung ano pa yung reason, hindi na yun ang pumasok sa isip ko.
“Ang importante yung invitation na gusto nila akong kumanta.
“So, hindi na ako nagdalawang-isip, pumayag ako.
“It’s a chance of a lifetime na hindi dapat pinapalagpas.”

 

PASTORAL MISSION. Wala ba siyang natatanggap na negative reaction mula sa bashers dahil sa ginawa niyang pagkanta sa Holy Mass ni Pope Francis?
“A, wala pa naman… kung kokontra sila, parang kinontra nila si Lord, ‘di ba?
“Well, hindi naman natin maiiwasan kung magkaroon, si Pope nga, bina-bash sa social media.
“Tigilan na nila.

“Ibigay na nila ito sa mga Pilipino at sa sinseridad ng bawat Pilipino na makita at makibahagi sa pastoral mission ni Pope Francis.”
Ayon kay Erik, wala namang nabago sa advocacy niyang kumanta sa simbahan matapos ang ginawa niyang pag-awit sa misa.
“’Pag may chance, kumakanta ako sa simbahan namin sa Immaculate sa Malabon.
“Like nung nakaraang Pasko, kumanta ako sa Mass.
“‘Pag may fundraising ang simbahan at kailangan ako, nagpa-participate talaga ako.”
Samantala, feeling blessed din sa kanyang singing career ni Erik. Maglalabas siya ng album uli ngayong taong ito.
May back-to-back concert din sila ng rumored girlfriend niyang si Angeline Quinto sa third quarter ng taon.
May dalawang concerts sila ni Angeline sa Hawaii ngayong February. May Valentine concert siya sa Legaspi City ng February 13 at Dagupan City naman sa February 14.
Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s